I-WITNESS "KABIHUG"

Ang I Witness "Kabihug" ni Kara David ay isang nakakamanghang kwento kung saan ipinakita ang pamumuhay ng simple dahil kalikasan ang kanilang pinagkukuhanan ng pagkain. Isinasalamin dito ang pagtutulungan ng bawat isang miyembro sa pamilya. Sila'y marunong gumawa ng paraan upang may makain sila sa araw araw. Sa panahon natin ngayon, kapag hindi ka nakapagaral isa kang mangmang at walang mararating sa buhay pero sa kwentong ito hindi lahat ng taong hindi nakapagaral ay walang alam. Sa pamamagitan ng pagiging madiskarte at kumpyansa sa sarili kaya nila mabuhay sa araw araw. Ito ay senyales na hindi dapat maliitin ang ganitong pamumuhay at mga taong nakatira sa tribo. Kahit hindi sila nakakatanggap ng tulong mula sa ibang tao, masagana sila sa likas na yaman. Dapat kahit tayo'y nasa modernong panahon, marunong tayo gumawa ng paraan upang mabuhay tayo. Katulad na lamang ng pagaaral ng mabuti. Ito ang maisusukli natin sa ating mga magulang sa kanilang paghahanapbuhay. Kapag nakapagtapos na ng kolehiyo, tayo naman maghahanapbuhay para sa kanila. 

Ang antas ng wikang ginamit ay pormal. Halimbawa nito "Hindi pera ang kanilang yaman kundi ang malawak na kagubatan". Ang tungkulin ng wikang ginamit ay pang heuristiko. Halimbawa nito "Bakit po kayo takot sa katulad namin?". Ang barayti ng wikang ginamit ay idyolek. Halimbawa nito "Gusto ko po talaga malaman magbilang ng pera gayon po hindi ako lokohin ng tao".

I-WITNESS "KAWAYANG PANGARAP"

Ang I Witness "Kawayang pangarap" ni Kara David ay isang dokumentaryo na kung saan ipinapakita sa atin ang pagkakaiba ng buhay sa rural at urban. Isinasalamin dito ang hirap ng buhay. Kung ito'y ipagkukumpara sa ating buhay, tayo'y maswerte sapagkat hindi na natin kailangang umakyat ng bundok upang makapaghanapbuhay na kung saan ay mapanganib. Sa ganitong paraan, nagtitiis sila upang makakain at mabigyan ng baon ang mga anak. Sila'y matapang at hindi sumusuko sa buhay. Samantalang sa panahon ngayon, hindi pa tayo kuntento at hindi pa sapat sa atin ang mga natatanggap natin katulad sa paghingi ng baon ngunit sa ibang bagay natin ito ginagamit. Nakakahanga lang dahil kahit ganito ang kanilang pinagdadaanan masaya at buo ang kanilang pamilya. Kung tutuusin dapat ito ang pinagtutuunan ng pansin ng ating pamahalaan. Bukod sa pagpapatayo ng paaralan, bigyan sana sila ng kabuhayan upang makapagsimula sila sa bagong pamamaraan ng paghahanapbuhay. Ang mga bata ay dapat nasa paaralan at tinutustusan ng mga magulang. Ito ay makatutulong sa kanilang magandang kinabukasan. Ipinapakita rin dito na kahit simple ang buhay basta't nagmamahalan nagiging matatag.

Ang antas ng wikang ginamit ay di pormal. Halimbawa nito ay "Kapag hindi ka sanay jan tatambling ka talaga Ma'am". Ang tungkulin ng wikang ginamit ay heuristiko. Halimbawa nito "Paano po gagawin dito tay?". Ang barayti ng wika ay idyolek. Halimbawa nito "Bakit po importante na makapagaral yung mga bata?"

TV PATROL: DUTERTE DECLARES "STATE OF LAWLESSNESS"

Ako'y sang ayon sa pagpapatupad ng State of Lawlessness ni Pangulong Duterte sapagkat ito ay makakabuti sa ating seguridad. Laganap ngayon ang krimen dulot ng paggamit ng droga kaya dapat lang ang pagpapatupad nito. Isa sa napapaloob dito ang pagpapatupad ng curfew sa iba't ibang bahagi ng bansa. Ito'y nararapat lamang sa mga kabataan lalo na't palaging pinupuntirya ng mga kriminal ang ganitong edad. Ang pagiging matapang ni Pangulong Duterte ay nararapat sapagkat iniwan tayo ng nakaraang presidente na puro problema at hindi natin namamalayan lahat pala ito ay dahilan ay droga. Ang hindi patas na pagpatay ng mga pulis na sa tingin ko'y hindi makatotohanan. Balita na ang ganitong pamamaraan ng mga pulis, kaya dapat lang na itigil na ang ganitong gawain. Lahat ng mga tao ay biktima lamang ng droga ay hindi dapat kailangang patayin kundi bigyan sila ng pagkakataon upang magbago. Sa pamamagitan ng lahat na ito, makatutulong ito para magkaroon na ng kaayusan at katahimikan ang ating bansa.

Ang antas ng wikang ginamit ay pormal. Halimbawa nito "I have this duty to protect our country". Ang tungkulin ng wikang ginamit ay pang interaksyonal at pang impormatibo. Halimbawa ng mga ito "Kumusta na ang mga kalagayan ng biktima?" at "Nagdeklara ng State of Lawlessness si Pangulong Duterte". Ang barayti ng wika ay dayalek. Halimbawa nito "Sana maulian siya".